За апликативната дејност

Апликативната дејнос на Земјоделскиот институт-Скопје вклучува широк спектар на активности насочени кон подршка на земјоделскиот сектор, унапредување на земјоделските практики, подобрување на технологиите за производство и одржливост на земјоделието.

Преку оваа дејност институтот придонесува за развој на политики со обезбедување на препораки, засновани на истражување, до владиниот сектор. Активно е вклучен во програмите за поддршка и едукација на земјоделците, засегнатите страни и целокупната јавност. Особено за примена на новите земјоделски практики.

Овие активности колективно придонесуваат за унапредување на земјоделските науки, подобрување на продуктивноста, одржливоста и отпорноста наспроти предизвиците како што се климатските промени и глобалната безбедност на храната.

Поважни активности кои се вклучени во апликативната дејност на институтот:

Постконтролни испитувања и сортни испитувања;
Одржување на дефинитивни примероци од видови и сорти земјоделски растенија – Ген банки;
Физибилити студии за производство на земјоделски култури и нивни преработки;
Стручни и здравствени прегледи на семенски посеви, испитување на квалитетот на семето;
Стручен и здравствен преглед на овошен и лозов саден материјал;

Биолошки, физички и хемиски испитувања на препарати;
Хемиски анализи на вино, грозје, дестилати и алкохолни пијалоци наменети за увоз и извоз;
Педолошки и агрохемиски анализи;
Хемиска анализа на вештачки ѓубрива;
Лабораториска анализа за квалитет на белиот и суровиот ориз

Во периодот на своето постоење Земјоделскиот институт-Скопје има реализирано голем број на проекти кои претставуваат предизвик на национално, регионално и меѓународно ниво.

Плодната соработка со компании, здруженија и индивидуални производители на национално и меѓународно ниво само го потврдува реномето на Земјоделскиот институт како доверлив, проверен и баран партнер.