Земјоделскиот институт – Скопје при Универзитетот „Св. Кирил и Методиј“ во Скопје прославува 80 години од своето постоење.
Научна конференција: Иновации во одржливо земјоделство – мост помеќу науката и практиката – Трето соопштение.
На 12ти декември 2024 година, во Музејот на македонската борба за самостојност, пред голем број гости беше одржана Свечена Академија по повод јубилејот на УКИМ Земјоделскиот институт – Скопје, како завршен од серијата настани организирани по повод 80 години од неговото основање.
Свеченоста беше отворена со интонирање на државната химна, по што следеа изведби на химната на академската заедница – Gaudeamus igitur и химната на Универзитетот „Св. Кирил и Методиј“, во изведба на Мешаниот хор „Драган Шуплевски“ и Симфонискиот оркестар при ФМУ, а под диригентска палка на проф. м-р Сашо Татарчевски.
Во Монографијата е претставен историјатот, развојот и научноистражувачката работа на Земјоделскиот институт, единица во состав на Универзитетот „Св. Кирил и Методиј“ во Скопје, како сегмент од витално значење во модерното земјоделско производство на Република Македонија, и истата претставува драгоцен извор на биографски, библиографски и историски значајни податоци.
ЗЕМЈОДЕЛСКИ ИНСТИТУТ – СКОПЈЕ е една од најстарите научноистражувачки организации од областа на земјоделството во Република Македонија.
Уште од далечната 1927 година од тогашниот околиски расадник во Скопје се формира Агроботаничкиот отсек во Вардарска Бановина – Кралство на Југославија, при што оваа година е зацртана како зачеток на идниот Земјоделски институт на Република Македонија. Во 1929 година од Агроботаничкиот отсек се формира “Огледна и селекциона пољопривредна станица”.
Во текот на 1933 година од “Огледната и селекционата станица” се формира “Пољопривредна огледна и контролна станица” под надлежност на Министерството за земјоделство.
За време на Втората светска војна (1941 – 1945) и окупацијата на Република Македонија, поголемиот нејзин дел потпаѓа под власта на Република Бугарија, при што “Пољопривредната огледна и контролна станица” се преименува во “Институт за земјоделие” (1941-1944)
По ослободувањето на Република Македонија (во текот на 1944/45 година) и Скопје (13ти ноември 1944 год.) со Решение на Президиумот на АСНОМ бр.15 од 15ти декември 1944 година формиран е Земјоделско испитателниот институт на НРМ како буџетска установа, која низ текот на годините и под слични имиња опстојува и до денес. Оваа дата (15ти декември 1944) се зема како официјален податок за почетокот на постоењето на Земјоделскиот институт како научна установа од областа на земјоделството.
Од своето основање па до денес Земјоделскиот институт – Скопје има поминато вкупно седум организациски поставености. Со својата последна организациска поставеност Земјоделскиот институт – Скопје работи во состав на Универзитетот „Св. Кирил и Методиј“ во Скопје, како една од организациските единици на Универзитетот.
Во периодот од 30-31 јануари 2025година успешно беше одржан првиот состанок на проектот ECOBASE: Еко-подобни решенија засновани на природата за ублажување на деградацијата на почвата,
Во рамки на проектот ,,CARBON 4 SOIL QUALITY,, финансиран од страна на Interreg Euro-Med програмата, УКИМ – Земјоделскиот институт го организираше 3от состанок меѓу проектните
На 11/12/2024 година, Земјоделскиот институт – Скопје, организираше меѓународна научна конференција „ИНОВАЦИИ ВО ОДРЖЛИВО ЗЕМЈОДЕЛСТВО – МОСТ ПОМЕЃУ НАУКАТА И ПРАКТИКАТА“ во просториите на едукативниот
Земјоделски Институт, 2025 © Сите права се резервирани.
