Конкурс за студентска мобилност во рамки на Еразмус+ програмата за зимскиот семестар во академската 2025/2026 година

Се информираат сите заинтересирани студенти дека е отворен Конкурсот за студентска мобилност во рамки на Еразмус+ програмата за зимскиот семестар во академската 2025/2026 година.

Студентите треба да ги достават апликациите во 3 примероци (еден за студентот, еден за Еразмус+ координаторот и еден за Универзитетот) најдоцна до 18 април 2025 година.

Една апликација треба да ги содржи следниве документи:

• пополнет формулар за пријавување (Student Application Form [1]);
• уверение за положени испити на македонски јазик;
• уверение/диплома за познавање на англиски јазик или јазикот на кој се изведува наставата на ЕУ-универзитетот, издадена  од признат
  центар/школа за странски јазици;
• уверение за редовен студент – запишан семестар/година (на македонски јазик);
• кратка биографија (Europass model [2]);
• мотивациско писмо;
• договор за студирање (Learning Agreement [3] for studies), во кој се
  утврдува програмата за студирање, потпишана и одобрена од страна на студентот, матичниот факултет/Еразмус+  координаторот и  факултетот во странство (минимум 20 ЕКТС – максимум 30 ЕКТС).

Во прилог се наоѓаат формуларот за пријавување Student Application Form
[1], урнек на договорот за студирање (Learning Agreement [3] for studies) и Europass model [2].

Сите дополнителни информации и формулари за пријавување и листа на
потпишани Еразмус+ договори може да ги побарате на интернет-страницата на Универзитетот под: Меѓународна сорабитка – Еразмус+ мобилности – ERASMUS+ – Документи за студентска мобилност
(https://ukim.edu.mk/studenti/studentski-mobilnosti/erazmus/).

За дополнителни информации и поддршка, обратете се во Одделението за меѓународна соработка или на е-адресата: international@ukim.edu.mk