На 11.05.2023 година во Бари, Италија беше потпишан Меморандум за соработка помеѓу УКИМ Земјоделскиот институт – Скопје и International Centre for Advanced Mediterranean Agronomic Studies – Mediterranean Agronomic Institute of Bari (CIHEAM Bari).
Меморандумот се однесува на спроведување на проекти за соработка и колаборативни применети истражувања, размена на научници и експерти, како и заедничка организација на семинари, работилници, конференции и професионални обуки од областите од заеднички интерес на двете страни, односно: управување со почвата и водите, интегрирано управување со култури и штетници, органско земјоделство, одржливи агро-екосистеми, отворени иновации и младинско претприемништво во земјоделско-прехранбениот сектор и прецизно земјоделство, економија, менаџмент и развој на руралните територии.
