Во рамки на проектот ,,CARBON 4 SOIL QUALITY,, финансиран од страна на Interreg Euro-Med програмата, УКИМ – Земјоделскиот институт го организираше 3от состанок меѓу проектните партнери. Состанокот беше организиран во Скопје од 21 до 22 јануари 2025 година. Главната цел на состанокот беше да се презентираат досегашните резултати од проектот и да се планираат идните активности, со фокус на следниве теми: дефинирање на референтни вредности за содржината на органска материја во почвите и нивниот квалитет во Медитеранскиот регион, дефинирање на стандардни методологии за теренски и лабораториски мониторинг на органската материја во почвата и нејзиното моделирање, како и теми поврзани со шемите на јаглеродни кредити и системите за еколошка сертификација.
